Allahayoow Cirkoo Dam Ah, Ayaad Dacal Ka Faydaaye
Markaasaa Shamsadu Daalacdaa, Dunidu Nuurtaaye.
Allahoow Dalkoo Oomman, Baad dixo Biyaysaaye
Markaasaa Dugaag Iyo Dadiyo Duunyo Ka Cabbaane.
Allahayoow Cirkoo Diiran Baad, Caad Ku Dadabtaaye
Markaasuu Daruur Culus Helaa, Di'idna Yeeshaaye
Oo Ay Dareemada Dhulkiyo, Dixidu Baacdaaye.
Allahayoow Mid Duunyo Yar, Baad Darajo Siisaaye
Markaasaa La Daba Shaanbiyaa Doobab Iyo Beele.
Alahayoow Mid Daadduumayaad, duni u dhiibtaaye
Markaasuu Ka Diihaal Baxaa Deeqna Hidiyaaye.
Allahayow Mid dawga Dhaafayaad, ku camirtaa diine
Markaasaa Duunuubtuu Iskaga Rogo Uga Danbaysaaye.
Deeqdana Adaa Wada hantee Darajo noo yeele
Allahayoow Kan Loo Dayriyiyo, Hayga Dhigin Daallin
Oo ducada ii qaad sidaan kaa dalbaday CAAWA ........!!!
~~Saalax maxamed

Shantaadu nimay kaa reebin, Sharci kaama reebo!

*Ma ogtahay Dhirbaaxadu

*Ma horseedo dhimashee

*Dhabaday u sheegtaa

*Qofkii dhaban adaygee

*Dhugan waaya taladee

~Abwaan Maxamed Muumin "Ababe"

Wilwile Style....

Hariimaadee Hana Haabaan

Hana haybsaan

Nimaan heelayn ma haboonee...

*Warmaheenaa Laga waashoo

*Hiddo weeyee...

Wilwile waa ciyaar dhaqameed aad looga yaqaan, Degaanada Awdal iyo Soomaali Galbeed.

Nimanka Sawirka ku Jira Wilwile ayay boodayaan.

*Wixii damal dilay
*Oo dameer leeg

*Oo ka daba wayn
*Sooma daayaw
*Ha igu soo dayn!!

~Cigaal Shiidaad/Shiilaad

Allahayaw ......

Allahayoow midii uurlehiyo tii irmaan dumarka

Allahayoow umulihii nin diley ubad jaqsiinaayey

Allahayoow mid aano iyo kibir Muumin ku idleeyey

Allahayoow addoonimo midaan kugu adeecaynin

Allahayoow midkaa ku inkiree diidey amarkaaga

Allahayoow mid oogada jirka aad insiga mooddo

Allahayoow misana aan ahayn awliyana sheegta

Allahayoow ibleys kaa u eeg oonu garan weyney

Allahayoow nin aayaadka iyo diinta ku adeegta

Allahayoow amaba aan u odhan siday ahaayeenba

~Cali jaamac haabiil...

Ubaxyahaw Bidhaamee

Ubaxyahaw Bidhaamee

Oogaada ka nuuraa

Eegmada Jaleecada

Indhahayga naxariis

Adigaa ku beeree..

~Jubba...Shimbirta

~Qaasim (AUN) wuxu yidhi

-Dacartuba mar bay malab dhashaa ood muudsataa dhabaqe...

~Waxaan ahay macaan iyo Qadhaadh meel ku wada yaale

~Midigtayda iyo bidixdaydu waa laba mataanoode

“Marka loo dhibtoodaa
dharag iyo wanaagiyo
Dhaqashada la gaadhaa
Dhaydiyo gadhoodhkiyo
Dharab lagu caweeyaa
Oo malab la dhuubiyo
Dhuunyaalka buurtiyo
Dhafaruurta geeduhu
Intay soo dhawadaan
Carabkiyo dhanxanagiyo
Dhabanada yimaadaan”
~Abwaan Maxamad Muumin "Ababe"

Soomaalidu ma Dhurwaayaa?

~AUN Timacadde wuxu yidhi

Hadaynaan xumaanta iyo dilkiyo, daynin kala qaadka
Dibaddaan ka joognaa sharciga, daacadda Illaahe
Danbarkeedu waa Jahannamiyo dogobkii naareede

Dul iyo hoosba waan ugu dhigaye, waa dix-dhagaxeede
Anuunbaa damqanayee dheguhu, uma daloolaane

Dadkaan la hadlayaa baan lahayn, dux iyo iimaane
Bal inay dalfoof tahay caqliga, dooni laga saaray
Wixii hore u soo daashaday, degashanaysaaye
Doc hadday u wada jeedsatooy, dhowrto danaheeda
Ooy duul walaala ah tahooy, duunka ka heshiiso
Dadka kama yaraateene ways, dabar jaraysaaye

Dubba madaxa wayskala dhacdaa, daa’in abidkiise
Goortay is wada dooxatay baa, daad u soo geliye
Timacadde AUN

Abwaan Soomaaliyeed baa yidhi :-

Arkay gaabnidaadoo

Inaad guuntay waan ogay

Gondahaaga xoodmiyo

Qalaafaha is galay baan

gabdho kaaga doortoo

Waxaad tahay gamuurtii

caashaqa i galisoo

Adaan kuu goll leeyahay

Guraceey adadageey

Dabcigaaga gawda ah

Iyo maanka gaabani

Gabdho kaa dhex saaryoo

Guumays inaad tahay

Garansani is moogeey

Waanan kuu golleeyahay

Inaad gooni tahay oo

ka go'doontay qayrkaa

Ood ciil gadhoodhiyo

Cadho kugu gamuurtiyo

Cuqdad aan la garan karin

Is godayso waan ogay

Jacayl bayse kaa galay

Waan kuu golleehay

Suugaanta Lo'ada

Hees-Haweelada lo'ada Xilliga qodaalka..

Waadigii cararaayayee
Car yay itaaban lahaaye
Dulaha caaradiisiyo
Baguu caynku ku gooyay!

Waadigii salalaayee
Sabadaha miranaayee
Lo'da suulasha gooyayee
Bagood gaajo sureertayoo
Sabirkaagu yaraaday!

Bari-samaadkii iyo soomalidii hore

Sawirkan waxaan ku xasuustay heestii ahayd "Waa gabadh togdheeroo" oo uu ku codaynayay Muuse Ismaaciil Qalinle "AUN" midhaheegana lahaa Abwaan hadraawi :

Taan dumar ku leeyahay , waa gabadh togdheeroo
Toban iyo lix jirahoo Hiddihii tilmaamee

Maxmuudi toox-weyn , sadex qayd ka tolatoo
oo daraya muuskuna , taakiyo badh muuqdee

dhacluhuna tarraxa oo, tusbax luqunta galisoo

sidii boqorad taash xidhan, hadalkeeda tirisoo

kolba erey ku tuurtee

Geeraar waa nin ....hee

Geeraar waa nin wanaajiyo

Ninuu waraar kaga oodmiyo

Nin sidayda warkiisiyo

Wacdigiisa yagaanee