Abwaan Soomaaliyeed baa yidhi :-

Arkay gaabnidaadoo

Inaad guuntay waan ogay

Gondahaaga xoodmiyo

Qalaafaha is galay baan

gabdho kaaga doortoo

Waxaad tahay gamuurtii

caashaqa i galisoo

Adaan kuu goll leeyahay

Guraceey adadageey

Dabcigaaga gawda ah

Iyo maanka gaabani

Gabdho kaa dhex saaryoo

Guumays inaad tahay

Garansani is moogeey

Waanan kuu golleeyahay

Inaad gooni tahay oo

ka go'doontay qayrkaa

Ood ciil gadhoodhiyo

Cadho kugu gamuurtiyo

Cuqdad aan la garan karin

Is godayso waan ogay

Jacayl bayse kaa galay

Waan kuu golleehay